பிஎஸ்என்எல் நிறுவனம் + டாடா நிறுவனத்துடன் ஒப்பந்தம்….?

தனியார் தொலைத் தொடர்பு சேவை நிறுவனங்களான ஏர்டெல் மற்றும் ஜியோவின் ரீசார்ஜ் திட்டங்களில் சமீபத்திய விலை உயர்வுகளால் வாடிக்கையாளர்கள் சிரமத்துக்கு ஆளாகியுள்ளனர். விலையேற்றத்தைச் சமாளிக்க முடியாமல் நிறையப் பேர் பிஎஸ்என்எல் நெட்வொர்க்குக்கு மாறி வருகின்றனர். பல ஏர்டெல் மற்றும் ஜியோ பயனர்கள் தங்கள் மொபைல் எண்களை பிஎஸ்என்எல் நெட்வொர்க்குக்கு விரைவாக போர்ட் செய்கிறார்கள். மேலும் சமூக ஊடகங்களில் இதுகுறித்து பரபரப்பாக பேசப்பட்டு வருகிறது.இந்நிலையில், டாடா கன்சல்டன்சி சர்வீஸ் (TCS) மற்றும் பிஎஸ்என்எல் நிறுவனங்கள் ரூ.15,000 கோடி மதிப்பிலான ஒப்பந்தத்தில் கையெழுத்திட்டுள்ளன. இவ்விரண்டு நிறுவனங்களும் இந்தியா முழுவதும் 1,000 கிராமங்களுக்கு 4ஜி இணைய சேவைகளை வழங்குவதை நோக்கமாகக் கொண்டுள்ளன. இது அடுத்துவரும் நாட்களில் கிராமப் புறங்களில் வேகமான இணைய வேகத்தை வழங்க உதவியாக இருக்கும் என்று கூறப்படுகிறது.தற்போது, ரிலையன்ஸ் ஜியோ மற்றும் ஏர்டெல் 4ஜி இணைய சேவை சந்தையில் ஆதிக்கம் செலுத்துகின்றன. இருப்பினும், பிஎஸ்என்எல் நிறுவனம் அவற்றுக்குப் போட்டியை வழங்கும் வகையில் தனது சேவையை விரிவுபடுத்தும் முயற்சியில் ஈடுபட்டுள்ளது. டாடா நிறுவனம் இந்தியாவின் நான்கு பிராந்தியங்களில் டேட்டா சென்டர்களை உருவாக்கி வருகிறது. இது நாட்டின் 4ஜி உள்கட்டமைப்பின் வளர்ச்சியை எளிதாக்கும் என்று கூறப்படுகிறது.