ஆந்திர கடல் பகுதியில் நாகை மீனவர்கள் மீது தாக்குதல் – 6 பேர் படுகாயம்.

ஆந்திர மீனவர்களால் சிறைபிடிக்கப்பட்டு தாக்கப்பட்டதில் நாகை மீனவர்கள் 6 பேர் படுகாயம் அடைந்துள்ளனர்.

அக்கரைப்பேட்டையை சேர்ந்த 19 மீனவர்கள் ஆந்திர கடல் பகுதியில் மீன்பிடித்த போது சின்னையாபாளையம் குப்பம் மீனவர்களால் சிறைபிடிக்கப்பட்டனர்.

தங்கள் பகுதியில் மீன் பிடித்ததாக கூறி தாக்குதல் நடத்தியுள்ளனர்.

இதில் காயமடைந்த நாகை மீனவர்கள் 6 பேர் நெல்லூர் அருகே உள்ள தனியார் மருத்துவமனையில் சேர்க்கப்பட்டனர்.

இதில் 5 பேர் மேல் சிகிச்சைக்காக சென்னை ராஜீவ்காந்தி மருத்துவமனைக்கு கொண்டு வரப்பட்டுள்ளனர்.

இதில் இடும்பன் என்ற மீனவர் சுயநினைவற்ற நிலையில் சிகிச்சை பெற்று வருகிறார் என்பது குறிப்பிடத்தக்கது.