அரசியல் கட்சி தலைவர்கள் பலர் நயினார் நாகேந்திரனுக்கு கண்டனம்….
நயினார் நாகேந்திரன் 
அமைச்சர் செங்கோட்டையன்: நயினார் நாகேந்திரன் எங்கிருந்து, எப்படி பேசுகிறார் என்று என்னால் புரிந்துகொள்ள முடிகிறது. அவர் இருக்கும் இடம் படிப்படியாகத் தேய்ந்து வருகிறது. அமைச்சர் ராஜ்மோகன்: பாஜக மாநில தலைவர் நயினார் நாகேந்திரன், ஒரு அரசியல் தலைவரைப் போல பேசாமல் தெருமுனைப் பேச்சாளரை போல் பேசியுள்ளார். திமுகவினர் போல பாஜகவினரும் அவதூறாக பேசி வருகின்றனர்.தமிழக காங்கிரஸ் தலைவர் மாணிக்கம் தாகூர்: அரசியல் விரக்தியின் உச்சத்தில் முதல்வர் விஜய் மற்றும் அவரது தாயார்ஆகியோரை நயினார் நாகேந்திரன் இழிவாகப் பேசியிருப்பதுகண்டிக்கத்தக்கது. தமாகா தலைவர் ஜி.கே.வாசன்: பொறுப்புள்ள தலைவர்கள் பொறுப்பற்ற முறையிலே பேசுவதுஏற்புடையதல்ல. .அமைச்சர் வன்னியரசு: பெண்களுக்கு எதிரான வெறுப்பும், அவதூறும்தான் பாஜகவினர் பேசும் அரசியலின் அடிப்படை. நயினார் நாகேந்திரன் தனது அநாகரிகமான பேச்சுக்கு மன்னிப்பு கேட்க வேண்டும்.பாஜக மாநில துணை தலைவர் குஷ்பு: தமிழக முதல்வரின் தாயார் குறித்து பாஜக மாநிலத் தலைவர் நயினார் நாகேந்திரன் கூறியுள்ள தரக்குறைவான கருத்து அருவருப்பானது. நீங்கள் இந்த உலகத்துக்கு வந்ததே ஒரு பெண்ணால், ஒரு தாயால் என்பதை நினைவில் கொள்ளுங்கள்.மார்க்சிஸ்ட் கம்யூனிஸ்ட் மாநில செயலாளர் பெ.சண்முகம்: பெண்களை மதிப்பது பாஜகவின் அகராதியிலேயே இல்லாத விஷயம் என்பது அனைவருக்கும் தெரியும். நயினார் நாகேந்திரனுக்கு நாவடக்கம் தேவை. தவெக செய்தி தொடர்பாளர் மு.சவுந்தர ராஜா: அரசியலில் இருப்பவர்கள் தங்களது வார்த்தைகளுக்கும் செயல்களுக்கும் பொறுப்புடன் இருக்க வேண்டும். கொள்கைகளை விமர்சிக்கலாம். ஆட்சியின் செயல்பாடுகளை கேள்வி கேட்கலாம். ஆனால், குடும்பத்தை அரசியல் விமர்சனத்துக்குள் இழுப்பது ஒருபோதும் ஆரோக்கியமான ஜனநாயகத்துக்கு அழகல்ல.இதேபோல், அரசியல் கட்சி தலைவர்கள் பலர் நயினார் நாகேந்திரனுக்கு கண்டனம் தெரிவித்துள்ளனர்…