தமிழக தேர்தல்—- திமுக கூட்டணிக்குச் சாதகமாகவே உள்ளது..ஏப்ரல் 23 விடை சொல்லும்!
லோக் போல் கணிப்பு: திமுக கூட்டணி 181 முதல் 189 இடங்களைக் கைப்பற்றி அசுர பலத்துடன் ஆட்சியைத் தக்கவைக்கும் என்கிறது. இக்கூட்டணியின் வாக்கு வங்கி40.1சதவீதமாகஇருக்கும்எனமதிப்பிடப்பட்டுள்ளது. போல் ட்ராக்கர் கணிப்பு: இதுவும் திமுக கூட்டணிக்குச் சாதகமாகவே உள்ளது. 172 முதல் 178 இடங்கள் வரை திமுக கூட்டணிக்குக் கிடைக்கும் என்றும், சுமார் 42.7 சதவீத வாக்குகளை அவர்கள் அறுவடை செய்வார்கள் என்றும் கணிக்கப்பட்டுள்ளது. முதலமைச்சர் ரேஸில் முன்னிலை: மக்களின் விருப்பமான முதலமைச்சர் வேட்பாளராக தற்போதைய முதல்வர் மு.க. ஸ்டாலின் முதலிடத்தில் இருக்கிறார். அவருக்கு அடுத்தபடியாக விஜய் மற்றும் எடப்பாடி பழனிசாமி ஆகியோர் உள்ளனர். தமிழக அரசியலில் முதல்முறையாகத் தேர்தல் களத்தைக் காணும் நடிகர் விஜய்யின் ‘தமிழக வெற்றி கழகம்’ (TVK), முதல் ஆட்டத்திலேயே கணிசமான வாக்குகளைப் பிரிக்கும் எனத் தெரிகிறது. லோக் போல் கணிப்பின்படி 23.9% வாக்குகளையும், போல் ட்ராக்கர் கணிப்பின்படி 19.2% வாக்குகளையும் டிவி கே பெறும். இடங்கள்: இது 6 முதல் 12 இடங்கள் வரை அக்கட்சிக்குக் கிடைக்க வழிவகுக்கலாம்.இளைஞர்கள், முதல்முறை வாக்காளர்கள் மற்றும் அரசு மீது அதிருப்தியில் இருப்பவர்களின் வாக்குகளை விஜய் ஈர்க்கிறார். ஆனால், தனித்துப் போட்டியிடுவதால் இந்த வாக்குகள் அனைத்தும் இடங்களாக மாறுவதில் சிக்கல் நீடிக்கிறது. குறிப்பாக, எதிர்க்கட்சி வாக்குகளை விஜய் பிரிப்பது திமுகவிற்கே ‘மெகா’ அட்வாண்டேஜாக மாறியுள்ளது. தடுமாறுகிறதா அஇஅதிமுக? எதிர்க்கட்சியான அஇஅதிமுக – பாஜக கூட்டணி இந்த முறை கடும் சவாலைச் சந்திப்பதாகக் கருத்துக்கணிப்புகள் கூறுகின்றன. சறுக்கல்: லோக் போல் கணிப்பின்படி 38 – 42 இடங்களும், போல் ட்ராக்கர் கணிப்பின்படி 46 – 52 இடங்களும் மட்டுமே அஇஅதிமுக கூட்டணிக்குக் கிடைக்க வாய்ப்புள்ளது.உட்கட்சிப் பூசல், முக்கியத் தலைவர்களின் வெளியேற்றம் மற்றும் டெல்டா, தென் மாவட்டங்களில் நிலவும் தொய்வு ஆகியவை எடப்பாடி பழனிசாமி அணிக்குப் பின்னடைவாகப் பார்க்கப்படுகிறது. மேலும், பாஜகவுடனான கூட்டணி சிறுபான்மையின வாக்குகளை திமுக பக்கம் முழுமையாகத் திருப்பியுள்ளதாக ஆய்வுகள் தெரிவிக்கின்றன. திமுகவின்’வெற்றிசூத்திரம்’என்னஅரசுக்குச்சாதகமானஅம்சங்களாகக்கருத்துக்கணிப்புகள் முன்வைப்பவை இவைதான்: மகளிர் வாக்குகள்: கலைஞர் மகளிர் உரிமைத் தொகை, கட்டணமில்லா பேருந்து பயணம் மற்றும் காலை உணவுத் திட்டம் ஆகியவை கிராமப்புற மற்றும் நகர்ப்புறப் பெண்களிடையே திமுகவிற்குப் பெரும் செல்வாக்கைத் தேடித்தந்துள்ளன. சமூகக் கட்டமைப்பு: முதலியார், நாயுடு மற்றும் முஸ்லிம் சமூகத்தினர் பரவலாக திமுக கூட்டணிக்கே ஆதரவு தெரிவிப்பதாக போல் ட்ராக்கர் கூறுகிறது.எடப்பாடி மற்றும் விஜய்யை விட ஸ்டாலின் ஒரு அனுபவம் வாய்ந்த தலைவராக மக்களால் பார்க்கப்படுகிறார்.சீமான் தலைமையிலான நாம் தமிழர் கட்சி (NTK) 4.9% முதல் 5.1% வரை வாக்குகளைப் பெறக்கூடும் என்றும், அதிகபட்சமாக 2 இடங்கள் வரை கிடைக்கவாய்ப்புள்ளதாகவும்கணிக்கப்பட்டுள்ளது. மற்ற சிறிய கட்சிகள் பெரிய அளவில் தாக்கத்தை ஏற்படுத்தாது என்றே தெரிகிறது. தமிழக அரசியல் களம் இப்போது பரபரப்பான இறுதிக்கட்டத்தை எட்டியுள்ளது. கருத்துக்கணிப்புகள் நிஜமாகுமா அல்லது கடைசி நேர ‘அண்டர் கரண்ட்’ மாற்றத்தை ஏற்படுத்துமா?