எம்சிஏ படிப்பு, 2 ஆண்டு படிப்பாக மாற்றம்…! ஏஐசிடிஇ அறிவிப்பு!

டெல்லி;

3 ஆண்டு எம்சிஏ படிப்பு, 2 ஆண்டு படிப்பாக மாற்றம் செய்து அகில இந்திய தொழில் நுட்ப கல்விக்கழகம் அறிவித்துள்ளது.

எம்சிஏ படிப்பு தற்போது மூன்று ஆண்டுகள் படிக்கப்பட்டு வருகிறது. மாணவர்களுக்கு பொதுவாக முதுநிலை பட்டங்கள் 2 ஆண்டுகள் மட்டுமே இருக்கும் நிலையில் எம்சிஏ மட்டும் 3 ஆண்டுகள் இருப்பதால் மாணவர்களுக்கு ஒரு ஆண்டு கால தாமதமாக குற்றச்சாட்டு இருந்து வந்தது.

இந் நிலையில் மூன்று ஆண்டுகளாக இருந்து வரும் எம்சிஏ படிப்பு வரும் 2020-2021கல்வி ஆண்டில் இருந்து இரண்டு ஆண்டுகளாக குறைக்கப்படும் என்று அகில இந்திய தொழில்நுட்ப கல்விக்கழகம் அறிவித்துள்ளது.

பல்கலைக்கழக அனுமதி குழுவின் ஒப்புதலை அடுத்து இந்த முடிவு எடுக்கப்பட்டதாக தெரிவிக்கப்பட்டுள்ளது. பாடத்திட்டமும் மாற்றி அமைக்கப்படுகிறது.