சோளிங்கர் நகராட்சியில் தரமற்ற சிமெண்ட் சாலை — தொடர்புகார்கள்..?

சோளிங்கர் நகராட்சியில் தரமற்ற சிமெண்ட் சாலை: துணைத் தலைவர் மீது அடுக்கடுக்கான புகார்கள்   சோளிங்கர், அக்டோபர் 1: சோளிங்கர் நகராட்சிக்குட்பட்ட செல்லப்பெருமாள் கோவில் தெருவில் புதிதாக அமைக்கப்பட்ட சிமெண்ட் சாலை தரமற்ற முறையில் போடப்பட்டுள்ளதால், அப்பகுதி மக்கள் கடும் அதிருப்தியில் உள்ளனர். இந்த சாலையை அமைத்தவர் நகர மன்றத் துணைத் தலைவர் ஏ.எஸ்.பழனி என்பது குறிப்பிடத்தக்கது.புதிய சிமெண்ட் சாலை அமைக்கப்பட்ட சில நாட்களிலேயே ஆங்காங்கே வெடிப்புகள் ஏற்பட்டுள்ளன. மேலும், சாலை சமமாக இல்லாமல் மேடு பள்ளங்களுடனும், ஒரு சில இடங்களில் பள்ளமாகவும் உள்ளது. இதனால் வாகன ஓட்டிகள் மற்றும் பாதசாரிகள் மிகுந்த சிரமத்திற்கு ஆளாகியுள்ளனர்.இந்த சாலை அமைக்கும் பணி தரமான முறையில் நடைபெறவில்லை. துணைத் தலைவர் பழனி தனது அதிகாரத்தை பயன்படுத்தி சாலை அமைக்கும் பணியில் முறைகேடு செய்துள்ளார். நகராட்சி நிர்வாகம் இதனை கண்டும் காணாமல் இருப்பது வேதனை அளிக்கிறது” என்று அப்பகுதி மக்கள் குற்றம் சாட்டுகின்றனர்.நகராட்சி நிர்வாகம் இந்த விவகாரத்தில் மெத்தனமாக செயல்படுவதாக பொதுமக்கள் குற்றம் சாட்டுகின்றனர். “பலமுறை புகார் அளித்தும் இதுவரை எந்த நடவடிக்கையும் எடுக்கவில்லை. உடனடியாக சாலையை சீரமைக்க வேண்டும்” என்று அவர்கள் வலியுறுத்துகின்றனர்.அரசியல் வட்டாரத்தில் பரபரப்பு: நகர மன்றத் துணைத் தலைவர் ஏ.எஸ்.பழனி மீது எழுந்துள்ள இந்த புகார், சோளிங்கர் அரசியல் வட்டாரத்தில் பரபரப்பை ஏற்படுத்தியுள்ளது. எதிர்க்கட்சியினர் இந்த விவகாரத்தை கையில் எடுத்து போராட்டம் நடத்த திட்டமிட்டுள்ளனர்.சமூக ஆர்வலர்கள் பலரும் இந்த தரமற்ற சாலை அமைக்கும் பணிக்கு கண்டனம் தெரிவித்துள்ளனர். “பொதுமக்களின் வரிப்பணத்தில் போடப்படும் சாலைகள் தரமானதாக இருக்க வேண்டும். முறைகேட்டில் ஈடுபட்டவர்கள்மீதுகடும்நடவடிக்கைஎடுக்கவேண்டும்”என்றுஅவர்கள்வலியுறுத்துகின்றனர்.சோளிங்கர் நகராட்சி நிர்வாகம் இந்த விவகாரத்தில் உடனடியாக தலையிட்டு, தரமற்ற சாலையை சீரமைக்கவும், முறைகேட்டில் ஈடுபட்டவர்கள் மீது நடவடிக்கை எடுக்கவும் வேண்டும் என்பதே பொதுமக்களின் எதிர்பார்ப்பாக உள்ளது.