நியூயார்க் சென்ற பிரதமர் மோடிக்கு அமெரிக்க வாழ் இந்தியர்கள் உற்சாக வரவேற்பு
-
அரசுமுறைப் பயணமாக அமெரிக்கா சென்ற பிரதமர் நரேந்திர மோடிக்கு அமெரிக்க வாழ் இந்தியர்கள் உற்சாக வரவேற்பு அளித்தனர்.அமெரிக்க அதிபர் ஜோ பைடன் மற்றும் அவரது மனைவி ஜில் பைடன் பிரதமர் மோடிக்கு அழைப்பு விடுத்தனர். இதை ஏற்று பிரதமர் மோடி, 3 நாள் அரசு முறை அமெரிக்க பயணமாக நியூயார்க் சென்றார். ஜான் ஃஎப்.கென்னடி விமான நிலையம் சென்ற அவருக்கு அமெரிக்க மற்றும் இந்திய அதிகாரிகள் வரவேற்பு அளித்தனர். விமான நிலையத்தில் தேசிய கொடியுடன் காத்திருந்த அமெரிக்க வாழ் இந்தியர்கள் பிரதமரை ஆரவாரத்துடன் உற்சாக வரவேற்றனர். பிரதமருடன் கைகுலுக்கியும், செல்ஃபி எடுத்தும் அவர்கள் மகிழ்ந்தனர். இதையடுத்து, நியூயார்க்கில் பிரதமர் மோடி தங்கியுள்ள நட்சத்திர விடுத்திக்கு வெளியே ஏராளமான இந்தியர்கள் திரண்டு வரவேற்பு அளித்தனர். அங்கு, பிரதமர் மோடியின் படங்கள் பொறித்த உடை அணிந்து ஒருவர் வந்திருந்தார். பிரதமரை வரவேற்க காத்திருந்த நிகழ்வு ஆடல் பாடலுடன் களைகட்டியது.காரில் வந்து இறங்கி பிரதமர் மோடி, அங்கு காத்திருந்தவர்களை நோக்கி உற்சாகமாக கை அசைத்தார். காரில் வந்து இறங்கி பிரதமர் மோடி, அங்கு காத்திருந்தவர்களை நோக்கி உற்சாகமாக கை அசைத்தார்.சர்வதேச யோகா நாளையொட்டி, நியூயார்க்கில் உள்ள ஐக்கிய நாடுகள் சபையில் இன்று பல்வேறு நிகழ்ச்சிகள் நடைபெறவுள்ளன. இந்த நிகழ்ச்சிகளுக்கு பிரதமர் மோடி தலைமை தாங்குகிறார். அதன் பின்னர், வாஷிங்டன் செல்லும் பிரதமர் மோடி அதிபர் ஜோ பைடனை சந்தித்துப் பேசவுள்ளார்.