12ம் வகுப்பு தேர்வு எழுதியவரா நீங்கள்…? மறுகூட்டலுக்கு இன்று முதல் விண்ணப்பிக்கலாம்!
Plus 2 retotalling from today
சென்னை:
12ம் வகுப்பு தேர்வு எழுதிய மாணவர்கள் மறுகூட்டலுக்கு இன்று முதல் விண்ணப்பிக்கலாம்.
பிளஸ்-2 தேர்வு எழுதிய மாணவர்களுக்கான தேர்வு முடிவு கடந்த 16-ந்தேதி வெளியிடப்பட்டது. வழக்கமாக தேர்வு முடிவு வெளியான அன்றையதினமே விடைத்தாள் நகல், மறுகூட்டலுக்கு எப்போது விண்ணப்பிப்பது?, என்ற தகவல் தெரிவிக்கப்படும்.
ஆனால் இந்த ஆண்டுதேர்வுமுடிவு வெளியான 6 நாட்களுக்கு பிறகு அது குறித்த அறிவிப்பு நேற்று முன்தினம் வெளியானது. அதன்படி, விடைத்தாள் நகல், மறுகூட்டல் கோரி விண்ணப்பிக்க விரும்பும் மாணவர்கள் இன்று முதல் விண்ணப்பிக்கலாம் என்று தேர்வுத்துறை அறிவித்துள்ளது.
பிளஸ்-2 மற்றும் பிளஸ்-1 அரியர் தேர்வு எழுதிய மாணவர்களுக்கான மதிப்பெண் பட்டியல் இன்று முதலும், பிளஸ்-2 பொதுத்தேர்வு எழுதிய மாணவர்களுக்கான மதிப்பெண் பட்டியல் நாளை(சனிக்கிழமை) முதல் மாணவர்கள் பள்ளிகளுக்கு சென்று பெற்றுக்கொள்ளலாம்.
தற்போது கொரோனா நோய்த்தொற்றின் தாக்கத்தை கருத்தில்கொண்டு, மாணவர்கள், ஆசிரியர்கள், பெற்றோர், பணியாளர்கள் பள்ளிக்கு வரும்போது கண்டிப்பாக முகக்கவசம் அணிய வேண்டும் என்று உத்தரவு பிறப்பிக்கப்பட்டுள்ளது.
