,பிரதமர் நரேந்திர மோடி, கடந்த 2014-ம் ஆண்டு பிரதமராக பொறுப்பேற்றது முதல் மன் கி பாத் என்ற நிகழ்ச்சியின் மூலம் மாதம்தோறும் கடைசி ஞாயிற்றுக்கிழமைகளில் காலை 11 மணிக்கு அகில இந்திய வானொலி மூலம் நாட்டு மக்களுக்கு உரையாற்றி வருகிறார். இந்த நிகழ்ச்சியில் பல்வேறு விவகாரங்கள் குறித்து அவர் பேசி வருகிறார்.
அதன்படி, இந்த மாதத்திற்கான மன் கி பாத் வானொலி நிகழ்ச்சி இன்று காலை 11.30 மணிக்கு தொடங்குகிறது. இது 87-வது மன் கி பாத் நிகழ்ச்சியாகும். இந்த நிகழ்ச்சியில், பல்வேறு விவகாரங்கள் குறித்து பிரதமர் மோடி பேசுவார் என்று எதிர்பார்க்கப்படுகிறது.
அண்மையில் நடந்து முடிந்த 5 மாநில சட்டமன்ற தேர்தலில் பாஜக 4 மாநிலங்களில் வெற்றி பெற்று ஆட்சியை கைப்பற்றியுள்ளது. தேர்தல் முடிவுகளுக்குப் பிறகு நடைபெறும் முதல் மன் கி பாத் நிகழ்ச்சி இது என்பதால், இது குறித்தும் பிரதமர் பேசுவார் எனத்தெரிகிறது