தமிழ் திரையுலகின் உச்ச நட்சத்திரமான விஜய் கடந்த பிப்ரவரி மாதம் தமிழகவெற்றிக் கழகம் என்ற கட்சியை தொடங்கினார். இந்திய தேர்தல் ஆணையத்திலும் இந்தக் கட்சி முறைப்படி பதிவு செய்யப்பட்டுள்ளது. இதனைத் தொடர்ந்து அவ்வப்போது அரசியல் கருத்துகளை தெரிவித்து வந்த விஜய் கடந்த 22 ஆம் தேதி கட்சியின் கொடியை அறிமுகப்படுத்தினார்.மேலும் கட்சியின் பாடலையும் வெளியிட்டார் விஜய். இந்நிலையில் தமிழக வெற்றிக் கழகத்தின் முதல் மாநாட்டை நடத்த திட்டமிட்டுள்ளார் விஜய். அதன்படி வரும் செப்டம்பர் 12 ஆம் தேதி மாநாடு நடத்த முடிவு செய்யப்பட்டுள்ளது. இதற்காக விக்கிரவாண்டி வி சாலை கிராமத்தில் இடம் தேர்வு செய்யப்பட்டுள்ளது. மாநாடு நடத்த அனுமதிக் கோரியும் பாதுகாப்புக் கோரியும் விழுப்புரம் மாவட்ட காவல் கண்காணிப்பாளரிடம் தமிழக வெற்றிக் கழகம் சார்பில் மனு அளிக்கப்பட்டது. இதையடுத்து மாநாட்டில் எத்தனை பங்கேற்பார்கள்? எவ்வளவு நேரம் மாநாடு நடைபெறும்? மேடையின் அளவு என்பது உள்ளிட்ட21 கேள்விகளுக்கு பதில் கேட்டு விழுப்புரம் மாவட்ட காவல்துறையினர் நோட்டீஸ் அனுப்பியுள்ளனர்.காவல்துறையினரின் கேள்விகளுக்கு நாளைக்குள் பதில் அளிக்கப்படும் என தவெக நிர்வாகிகள் தெரிவித்துள்ளனர். இந்நிலையில் தமிழக வெற்றிக் கழகத்தின் மாநாட்டில் விஜய்யின் நெருங்கிய நண்பரான ராகுல் காந்தியை பங்கேற்க வைக்க பேச்சுவார்த்தைநடத்தப்பட்டுவருவதாகதகவல்வெளியாகியுள்ளது. மேலும் விஜய்க்கு நெருக்கமான பல்வேறு மாநில முதல்வர்களை பங்கேற்க வைக்கவும் திட்டமிடப்பட்டுள்ளதாக கூறப்படுகிறது.அதன்படி ஆந்திர முதல்வர் சந்திரபாபு நாயுடு, கேரள முதல்வர் பினராயி விஜயன், தெலுங்கானா முதல்வர் ரேவந்த் ரெட்டி, கர்நாடக துணை முதல்வர் டி.கே.சிவக்குமார் உள்ளிட்டோரை தமிழக வெற்றிக் கழகத்தின் முதல் மாநாட்டில் பங்கேற்க வைக்க பேச்சு வார்த்தை நடத்தப்பட்டு வருவதாக தகவல் வெளியாகியுள்ளது. ஆனால் ராகுல் காந்தி வருகைகுறித்து, கட்சிநிர்வாகிகளிடம்கேட்டபோதுஅப்படிஎந்தவொருதிட்டமும்இல்லைஎனதெரிவித்துள்ளனர்.ஏற்கனவே ராகுல் காந்திதான் நடிகர் விஜய்யை அரசியல் கட்சியை தொடங்க சொன்னதாக தகவல் வெளியானது. காங்கிரஸ் கட்சியின் முன்னாள் நிர்வாகியான விஜயதாரணியும், விஜய்யை ராகுல் காந்திதான் கட்சி தொடங்குமாறு கூறினார் என்றார். இந்நிலையில் விஜய் மாநாட்டில் ராகுல் காந்தி பங்கேற்க உள்ளதாக பரவி வரும் தகவல் பரபரப்பை ஏற்படுத்தியுள்ளது.