மத்திய அரசு — வங்க தேசத்தில் ராணுவ ஆட்சி …?

அண்டை மாநிலமான வங்கதேசத்தில் கடந்த சில நாள்களாக அசாதாரண சூழல் நிலவியது. இடஒதுக்கீடு தொடர்பாக தொடங்கிய மாணவர் போராட்டம் வன்முறை பாதைக்கு சென்றது. மாணவர் தரப்புக்கும், காவல்துறைக்கும்இடையேநடைபெற்றமோதலில்நூற்றுக்கணக்கானோர் கொல்லப்பட்டனர்.இடையில் சில தினங்கள் வன்முறை சம்பவங்கள் ஓய்ந்திருந்த நிலையில் மீண்டும் தொடங்கியதால் அசாதாரண சூழல் நிலவியது.இம்முறைபோராட்டக்காரர்கள்பிரதமர்மாளிகையையும் சூறையாடினர். இதன் விளைவாக வங்க தேச பிரதமர் ஷேக் ஹசீனா நேற்று மதியம் (ஆகஸ்ட் 5) தனது பதவியை ராஜினாமா செய்துவிட்டு ராணுவ விமானம் மூலம் இந்தியாவுக்கு தப்பி வந்தார்.உத்தரபிரதேசம் மாநிலம் ஹிண்டன் விமானப்படை தளத்தில் ஷேக் ஹசீனா வந்த ராணுவ விமானம் தரையிறங்கியது. வங்கதேச முன்னாள் பிரதமர் ஷேக் ஹசீனாவை இந்திய பாதுகாப்புத்துறையின் தேசிய ஆலோசகர் அஜித் தோவல் விமானப்படைத் தளத்தில் சந்தித்து ஆலோசனை நடத்தினார்.  வங்கதேசத்தின் சூழல் குறித்து அவர் கேட்டு அறிந்ததோடு, எதிர்கால நடவடிக்கைகள் குறித்தும் ஷேக் ஹசீனாவிடம் அஜித் தோவல் ஆலோசித்ததாக கூறப்படுகிறது.தற்போது இந்தியாவில் தஞ்சம் புகுந்திருக்கும் ஷேக் ஹசீனா இங்கிலாந்து செல்ல திட்டமிட்டுள்ளதாக தகவல் வெளியாகியுள்ளது. ஷேக் ஹசினாவின் தங்கை ஷேக் ரேஹானா இங்கிலாந்து குடியுரிமை பெற்றவர். அவருடன் ஷேக் ஹசீனா லண்டலின் தங்க முடிவு செய்துள்ளதாக தகவல்கள் வெளியாகி வருகின்றன. இங்கிலாந்து அரசு மறுத்தால் பெலாரஸ் நாட்டிற்கு செல்வதற்கும் திட்டம் உள்ளதாக கூறப்படுகிறது.ஷேக் ஹசீனா இந்தியாவந்திருப்பது, அண்டை மாநிலமான வங்க தேசத்தில் ராணுவ ஆட்சி அமைந்திருப்பது, அங்கு வன்முறை சம்பவங்கள் அதிகரித்திருப்பது ஆகியவை தொடர்பாக புது டெல்லியில் அனைத்துக் கட்சி கூட்டம் நடைபெற்றது. வங்கதேசத்தில் தற்போதைய நிலவரம் குறித்து அனைத்துக் கட்சி கூட்டத்தில் வெளியுறவுத் துறை அமைச்சர் ஜெய்சங்கர் விளக்கமளித்தார். இதில் மத்திய அமைச்சர்கள், எதிர்கட்சித் தலைவர் ராகுல் காந்தி, திமுக பொருளாளர் டிஆர் பாலு உள்ளிட்ட தலைவர்களும் பங்கேற்றனர்.முன்னதாக இன்று காலை மூத்த அமைச்சர்களுடன் வங்க தேச விவகாரம் குறித்து பிரதமர் மோடி ஆலோசனை நடத்தினார். இன்று மக்களவையில் வங்க தேச நிலவரம் தொடர்பாக மத்திய அமைச்சர் ஜெய்சங்கர் பேசுவார் என்று எதிர்பார்க்கப்படுகிறது.