பெங்களூரு பர்பிள் லைன் மெட்ரோ,ரயில்பயணிகளுக்கு சூப்பர் வசதி..

கர்நாடகா மாநிலம் பெங்களூருவில் நம்ம மெட்ரோ என்ற பெயரில் பொதுமக்களுக்கு மெட்ரோ ரயில் வசதி செய்து தரப்பட்டுள்ளது. தற்போது வரை இரண்டு வழித்தடங்கள் பயன்பாட்டில் உள்ளன. இதனை நீட்டிக்கும் திட்டமும், புதிதாக மூன்று வழித்தடங்களில் ரயில்களை விடும் திட்டமும்முன்னெடுக்கப் பட்டுள்ளது. இதற்கான பணிகள் மும்முரமாக நடந்து வருகின்றன. அடுத்த மூன்று ஆண்டுகளில் படிப்படியாக 5 வழித்தடங்களிலும் மெட்ரோ ரயில்கள் ஓடும் என்று எதிர்பார்க்கப்படுகிறது.மெட்ரோ ரயில் நிலையங்களில் பயணிகளுக்கு தேவையான பல்வேறு வசதிகள் செய்து தரப்பட்டுள்ளன. குறிப்பாக ரயில் நிலையங்களில் இருந்து வெளியே செல்வதற்கும், உள்ளே வருவதற்கும் பிரத்யேக நடைபாதை அமைக்கும் பணிகள் முடுக்கி விடப்பட்டுள்ளது. இது நம்ம மெட்ரோவின் கிரீன் லைன்ரயில்நிலையங்களில் கடந்த மார்ச் மாதம் தொடங்கியுள்ளது. இதேபோல் பர்பிள் லைன் மெட்ரோ ரயில் நிலையங்களிலும் பிரத்யேக நடைபாதைஅமைக்கமுடிவுசெய்யப்பட்டுள்ளது.பெங்களூரு மெட்ரோவில் பர்பிள் லைன் சேவையானது சல்லகட்டா முதல் ஒயிட்ஃபீல்டு வரை நீண்டு காணப்படுகிறது. இந்நகரின் முக்கிய பகுதிகளான கெங்கேரி, மைசூரு ரோடு, விஜயா நகர், மெஜஸ்டிக், எம்.ஜி.ரோடு, இந்திரா நகர், பையப்பனஹள்ளி, கே.ஆர்.புரம், ஹூடி, கடுகோடி ஆகிய பகுதிகள் பர்பிள் லைன் மெட்ரோ ரயில் மூலம் இணைக்கப்பட்டுள்ளன. எனவே பெங்களூரு மக்கள் அதிகம் பயன்படுத்தும் ரயில் சேவையாக விளங்குகிறது.இந்நிலையில் புதிய திட்டங்களை கையிலெடுத்துள்ள பெங்களூரு மாநகராட்சி நிர்வாகம், கெங்கேரி, ஆர்.ஆர்.நகர், அட்டிகுப்பே, விஜயா நகர், பிஜிஎஸ், மகதி ரோடு ஆகிய ரயில் நிலையங்களை இணைக்கும் முக்கிய சாலைகளை ஒட்டி நடைபாதை அமைக்க திட்டமிடப்பட்டுள்ளது. குறிப்பாக ரயில்வே பேரலல் ரோடு, 5வது மெயின் ரோடு, 8வது மெயின் ரோடு, 1வது மெயின் ரோடு, 1வது கிராஸ் ரோடு, கெங்கேரி ஏரியா, ஆர்.ஆர்.நகர் ஆகிய ஏழு சாலைகளை மேம்படுத்த முடிவு செய்துள்ளனர்.இதற்காக 30 கோடி ரூபாய் நிதி ஒதுக்கீடு செய்ய திட்டமிடப்பட்டுள்ளது. இந்த ஒட்டுமொத்த பணிகளும் ஜூன் 2025ல் பயன்பாட்டிற்கு வரும் என எதிர்பார்க்கப்படுகிறது. பெங்களூரு சிட்டியின் தெற்கு மண்டலத்தை மேம்படுத்தும் வகையில் 28 கோடி ரூபாய் நிதி ஒதுக்கீடு செய்துள்ள மாநகராட்சி, டலகட்டபுராவில் உள்ள 100 அடி ரோடு, கே.எஸ்.ஐ.டியில் உள்ள 80 அடி ரோடு, வசந்தபுரா மெயின் ரோடு, வாசவி கோயில் தெரு, திப்பு சுல்தான் ரோடு உள்ளிட்ட சாலைகளை மேம்படுத்தும் பணிகள் மும்முரமாக நடந்து வருவதுகவனிக்கத்தக்கது.