செந்தில் பாலாஜி – ` வெளியே வருவதற்கான வாய்ப்பு ’ கிடைக்குமா ?

நீதிமன்றக் காவல் நீட்டிப்பு ஒருபுறமிருக்க, இன்னொரு பக்கம் செந்தில் பாலாஜியின் வழக்கறிஞர்கள் முதன்மை அமர்வு நீதிமன்றம், சென்னை உயர் நீதிமன்றம், உச்ச நீதிமன்றம் என்று ஒவ்வொரு நீதிமன்றமாக ஏறி, இறங்கிக்கொண்டிருக்கிறார்கள். அமலாக்கத்துறை தரப்பில் செந்தில் பாலாஜி அமைச்சராக இருப்பதால், அவர் வெளியே சென்று சாட்சியங்களைக் கலைக்கக்கூடும் என்று வாதங்கள் முன்வைக்கப்பட்டன. அதைத் தொடர்ந்து, தனது அமைச்சர் பதவியை அவர் ராஜினாமாசெய்ததுகுறிப்பிடத்தக்கது.ராஜினாமாசெய்துபலமாதங்கள்ஆகியும்,ஜாமீன்மட்டும்இதுவரைகிடைக்கவில்லை.  சமீபத்தில் சென்னை முதன்மை அமர்வு நீதிமன்றத்தில் செந்தில் பாலாஜி அமலாக்கத்துறை வழக்கிலிருந்து தன்னை விடுவிக்கக் கோரி மனுத்தாக்கல் செய்திருந்தார். அந்த மனுவை விசாரித்த நீதிபதி அல்லி, மனுவைத் தள்ளுபடி செய்திருந்தார். அதேபோல, வழக்கில் குற்றச்சாட்டுப் பதிவுக்காக செந்தில் பாலாஜியை வரும் ஜூலை 22-ம் தேதி நீதிமன்றத்தில் நேரில் ஆஜர்படுத்தவும் நீதிபதி உத்தரவு பிறப்பித்திருந்தார். முதன்மை அமர்வு நீதிமன்றத்தில் ஒரு விசாரணை நடந்துகொண்டிருக்க, உச்ச நீதிமன்றத்தில் ஜாமீன் தொடர்பான வழக்கு விசாரணை நடைபெற்றுவருகிறது.ஜாமீன் மீதான மேல் முறையிட்டு மனு தொடர்பான விசாரணை உச்ச நீதிமன்றத்தில் தொடர்ந்து நடைபெற்றுவருகிறது. கடந்த ஜூலை 10-ம் தேதி உச்ச நீதிமன்ற நீதிபதிகள் அபய் எஸ்.ஓஹா, அகஸ்டின் ஜாா்ஜ் மாசிஹ் ஆகியோர் அடங்கிய அமர்வுக்கு முன்பாக விசாரணைக்கு வந்தது. அமலாக்கத்துறை தரப்பில் கூடுதல் அவகாசம் வேண்டும் என்று கேட்கப்பட்ட நிலையில் விசாரணை ஜூலை 12-ம் தேதி ஒத்திவைக்கப்பட்டது. அடுத்ததாக 12-ம் தேதி நடைபெற்ற விசாரணையில் மீண்டும் விசாரணையை ஜூலை 22-ம்திஒத்திவைத்துநீதிமன்றம்.

காரணமே இல்லாமல் ஒருவரை எத்தனை நாள் சிறையில் அடைத்துவைக்க முடியும். சமீபத்தில் தேர்தலுக்காக அரவிந்த் கெஜ்ரிவாலுக்கு இடைக்கால ஜாமீன் வழங்கப்பட்டது. அதேபோல, நில மோசடி வழக்கில் அமலாக்கத்துறையினரால் கைதுசெய்யப்பட்ட முன்னாள் ஜார்க்கண்ட் முதல்வர் ஹேமந்த் சோரனுக்கும் சமீபத்தில்தான் நீதிமன்றம் ஜாமீன் வழங்கியது. இதை மிகவும் நல்ல விஷயமாகவே பார்க்கவேண்டியிருக்கிறது. அவர் கைதாகி ஓர் ஆண்டுக்கும் மேலாகிறது. நடுவில் அமலாக்கத்துறை விசாரணைக்கும் செந்தில் பாலாஜி தரப்பில் முழு ஒத்துழைப்பு வழங்கப்பட்டிருக்கிறது. வழக்கு விசாரணை முன்னோக்கி நகர்ந்துகொண்டிருக்கிறது. முன்பைவிட தற்போது ஜாமீன் கிடைப்பதற்கான வாய்ப்பு மிகவும் பிரகாசமாகவே இருக்கிறது. அடுத்து வரும் விசாரணையில் கண்டிப்பாக அவருக்கு ஜாமீன் கிடைக்கும் என நம்புகிறோம்” என்றார்கள் .