வெளியிடப்பட்ட அதிமுக தொகுதி பங்கீடு பட்டியல்…..?

தமிழக சட்டமன்ற தேர்தலுக்கு இன்னும் சரியாக 30 நாட்கள் மட்டுமே உள்ள நிலையில், தேர்தல் பணியை அரசியல் கட்சிகள் இறுதி கட்டத்தை நோக்கி நகர்ந்து வருகிறது. இந்நிலையில், எதிர்கட்சியான அதிமுக தொகுதி பங்கீட்டில் இன்று முக்கிய அறிவிப்பு வெளியிடப்பட்டுள்ளது. அதன்படி, அதிமுக, பாஜக, பாமக, அமமுக உள்ளிட்ட கூட்டணிக் கட்சிகள் எத்தனை தொகுதிகளில் போட்டியிடுகின்றன என்பது குறித்த அதிகாரப்பூர்வ அறிவிப்பு வெளியாகியுள்ளது.ஆளுங்கட்சியான திமுக கூட்டணியை வீழ்த்தும் வகையில் பலம் வாய்ந்த கூட்டணியை அதிமுக உருவாக்கி வருகிறது. பாஜக, பாமக, அமமுக, தமாகா, புரட்சி பாரதம், ஐஜேகே, புதிய நீதிக்கட்சி உள்ளிட்ட கட்சிகளை இணைத்துள்ளது. அந்த கட்சிகளோடு கடந்த சில நாட்களாக தொகுதி பங்கீடு தொடர்பாக பேச்சுவார்த்தை நடைபெற்று வந்தது. எந்த கட்சிக்கு எத்தனை தொகுதிகள் ஒதுக்குவது, சிறிய கட்சிகளை இரட்லை இலை சின்னத்தில் போட்டியிட வைப்பதா.? அல்லது தாமரை சின்னத்தில் போட்டியிட வைப்பதா.? எனபேச்சுவார்த்தை நடைபெற்றது.இதில் ஒரு சில இழுபறி ஏற்பட்ட நிலையில், கடந்த வாரம் அதிமுக பொதுச்செயலாளர் எடப்பாடி பழனிசாமி, பாஜக மூத்த தலைவர் அமித்ஷாவை டெல்லியில் சந்தித்து ஆலோசனை நடத்தினார். அப்போது கூட்டணி கட்சிகளுக்கு தொகுதி ஒதுக்கீடு தொடர்பாக ஆலோசிக்கப்பட்டது. இதனையடுத்து அமமுக பொதுச்செயலாளர் டிடிவி தினகரன், பாமக தலைவர் அன்புமணி ஆகியோரும் அமித்ஷாவை சந்தித்து ஆலோசனை நடத்தினர். இதில் சுமூக உடன்பாடு ஏற்பட்டதையடுத்து தொகுதி பங்கீடு இறுதிகட்டத்தை எட்டியது.அந்த வகையில் இன்று கூட்டணி கட்சிகளுக்கு ஒதுக்கப்படவுள்ள தொகுதிகளின் பட்டியல் வெளியாகியுள்ளது. இதற்காக கடந்த வாரம் மத்திய அமைச்சரும், பாஜக தேர்தல் பொருப்பாளருமான பியூஸ் கோயல் தமிழகம் வர இருந்தது ஆனால் பேச்சுவார்த்தை முடிவடையாத காரணத்தால் இரண்டு முறை ஒத்திவைக்கப்பட்டது.தற்போது தொகுதி பங்கீடு இறுதி கட்டத்தை எட்டியதையடுத்து, இன்று காலை சென்னை வந்தார் பியூஸ் கோயல். பின்னர், பிற்பகலில் நடைபெற்ற தொகுப் பங்கீட்டு உடன்பாட்டிற்காக கூட்டத்தில் அவர் பங்கேற்ற நிலையில்,பாஜக,பாமக,அமமுகபோட்டியிடும் தொகுதிகளின் எண்ணிக்கை தற்போது வெளியிடப்பட்டுள்ளது.பாஜகவுக்கு 27தொகுதிகள்.  பாமகவுக்கு 18 தொகுதிகள். அம்மா மக்கள் முன்னேற்ற கழகத்துக்கு 11 தொகுதிகள்.மற்ற கட்சிகளுடன் சுமூகமாக பேச்சுவார்த்தை நடைபெற்று வருவதாகவும். இன்று இரவு மற்ற கட்சிகள் போட்டியிடும் தொகுதிகளின் எண்ணிக்கை வெளியிடப்படும் என்றும் அதிமுக பொதுச் செயலாளர் எடப்படி பழனிசாமி தெரிவித்துள்ளார்.