வங்கக் கடலில் உருவானது புயல் சின்னம்….?

சென்னை, ஜூன் 18: வங்கக் கடலில் காற்றழுத்த தாழ்வுப் பகுதி (புயல் சின்னம்) செவ்வாய்க்கிழமை உருவானது. இது மேற்கு-வட மேற்கு திசையில் நகர்ந்து மேலும் வலுவடையும் என சென்னை வானிலை ஆய்வு மையம்தெரிவித்துள்ளது.இது குறித்து வானிலை மையம் சார்பில் வெளியிடப்பட்ட
செய்திக் குறிப்பு:வடமேற்கு வங்கக்கடல் மற்றும் அதனையொட்டிய பகுதியில் நிலவிய வளிமண்டல மேலடுக்கு சுழற்சி காரணமாக, செவ்வாய்க்கிழமை காலை தென்மேற்கு வங்கதேசம் மற்றும் அதனையொட்டிய மேற்குவங்க கடலோரப் பகுதிகளில் காற்றழுத்த தாழ்வுப்பகுதி உருவானது.இப்புயல் சின்னம் ஜூன் 18-ஆம் தேதி மேற்கு-வடமேற்குதிசையில் நகர்ந்து மேலும் வலுவடையும் என எதிர்பார்க்கப்படுகிறது.இந்த நிலையில், வானிலை சாதகம் காரணமாக தமிழகத்தில் ஓரிரு இடங்களிலும், புதுச்சேரி மற்றும் காரைக்கால் பகுதிகளி லும் ஜூன் 18 முதல் ஜூன் 23 வரை மிதமான மழைக்கு வாய்ப் புள்ளது. ஜூன் 18-ஆம் தேதி நீலகிரி மாவட்டத்தில் ஓரிரு இடங்களில் கனமழையும், சென்னை மற்றும் புறநகர் பகுதிகளில் ஜூன் 18-இல் மிதமான மழையும் பெய்ய வாய்ப்புள்ளது.மழை அளவு: தமிழகத்தில் செவ்வாய்க்கிழமை காலை வரைஅதிகபட்சமாக நீலகிரி மாவட்டம் அவலாஞ்சியில் 210 மி. மீ. மழை பதிவானது. மேலும் பார்சன் வேலி (நீலகிரி) 110, போர்த்தி மந்து (நீலகிரி), மேல் பவானி (நீலகிரி) தலா 100 மி.மீ. மழை பதிவானது.மீனவர்களுக்கான எச்சரிக்கை: ஜூன் 18, 19 ஆகிய தேதிகளில்தமிழக கடலோரப் பகுதிகள் மன்னார் வளைகுடா குமரிக் கடல் மற்றும் வங்க கடலில் மணிக்கு 65 கிமீ வேகத்தில் பலத்த காற்று வீசக்கூடும் இதனால் மீனவர்கள் இப்போது மீன்பிடிக்கச் செல்ல வேண்டாம் என்று அதில் தெரிவிக்கப்பட்டுள்ளது.