பாரதிய விவசாய மக்களாட்சி தேனி மாவட்டஆலோசனைக் கூட்டம்.

      தேனிமாவட்டம்போடிநாயக்கனூர் – இராசிங்காபுரத்தில் 10/01/2024  காலை 11.00 மணியளவில் பாரதிய விவசாய மக்களாட்சி தேனி மாவட்ட ஆலோசனைக் கூட்டம் அ.ந.வீரசிகாமணி – மாநில ஊடகப் பிரிவு அமைப்பு துணைச் செயலாளர் அவர்கள் தலைமையில்,  K.V. முருகன் – தேனி மாவட்ட செயலாளர்  முன்னிலையில், . கா.காமாட்சி  வரவேற்புரையுடன், சிறப்பு விருந்தினர்.அ. பரமேஸ்வரன், மாநில பொருளாளர்.திருமதி வள்ளி , மாநில பொறுப்பாளர்கள், மாவட்ட பொறுப்பாளர்கள் மற்றும் மாநிலத் தலைவர் திரு. முத்துக்கிருஷ்ணன்  சிறப்புரை ஆற்றினார்கள், இந்த ஆலோசனைக் கூட்டத்தில் கீழ்க்கண்ட பத்து தீர்மானங்கள் ஒரு மனதாக நிறைவேற்றப்பட்டது. தீர்மானம் – 1, தேனி மாவட்ட நிர்வாகமே ! பொதுப்பணித்துறையே ! தேனி இராஜ வாய்க்காலை உடனே சீர்படுத்தி கொட்டக்குடிஆறு, மீறு சமுத்திரக் கண்மாய் உபரிநீர் தாமரைக் குளம் வரை சென்றடைய வழி செய்ய வேண்டும். தீர்மானம் – 2, தேனி மீறு சமுத்திரக் கண்மாய் கரையை அகலப் படுத்தி,தேனிபுறவழிச்சாலையையும், பெரியகுளம் சாலையையும் இணைத்திடு, தீர்மானம் – 3, கல் குவாரிகள் தூசிகளாலும், லாரிகளாலும், m. sand தூசிகளாலும், விளைநிலங்கள் பெரிய அளவில் பாதிக்கப்படுகிறது, அவ்வாறு உள்ள கல் குவாரிகளை உடனடியாக தடை செய், தீர்மானம் – 4, நன்செய் நிலங்களை தரிசு நிலங்களாக மாற்றி அவ்விடத்தினை வீட்டடிமனைகளாக மாற்றி கொள்ளை லாபம் அடிக்கின்ற ரியல் எஸ்டேட் உரிமையாளர்களிடம் உள்ள விளைநிலங்களை கையகப் படுத்தி சிறு குறு விவசாயிகளிடம் ஒப்படைப்பு செய், தீர்மானம் – 5, தேனி மற்றும் அதன் சுற்றியுள்ள விவசாயம் செய்யாதிருக்கும் அனைத்து நிலங்களையும், விவசாயம் செய்யும் விவசாயக்கூலிகளுக்கு ஒப்பந்த முறையில் கொடுத்திடு, தீர்மானம் – 6, அரசு அளிக்கும் வேளாண் மானியங்களையும், பிற சலுகைகளையும் மக்கள் அறியும் வண்ணம் வெளிப் படுத்தி விழிப்புணர்வு உண்டாக்கிடு, தீர்மானம் – 7, முல்லைப் பெரியாறு அணையில் இருந்து நேரடியாக பைப் லைன் மூலம் தண்ணீர் கொண்டு செல்வதை தவிர்த்திடு ஏனெனில் நீர்ப் பாசன முறை பெரிதும் பாதிக்கிறது, தீர்மானம் – 8, வைகையாற்றின் குறுக்கே கண்டமனூருக்கு மேலே ஒரு அணைகட்டி ஆண்டிபட்டி வரை பாசன வசதியை ஏற்படுத்திடு, தீர்மானம் – 9, நூறு ( 100 ) நாட்கள் வேலைத் திட்டத்தை முறைப் படுத்தி 200 நாட்கள் வேலைத் திட்டமாக்கிடு, தீர்மானம் – 10, குரங்கனியிலிருந்து டாப் ஸ்டேஷன் வரை போக்குவரத்து அமைத்திடு…. போன்ற பத்து தீர்மானங்கள் நிறைவேற்றப்பட்டன. பின்னர் திரு. வீர அழகு நன்றியுரையுடன் ஆலோசனை கூட்டத்திற்கு வருகை தந்த அனைவருக்கும் மதிய உணவு பறிமாறப்பட்டு ஆலோசனைக் கூட்டம் இனிது நிறைவு பெற்றது..