திருச்சி மாநகரில் 3 இடங்களில் தற்காலிக பேருந்து நிலையங்கள்
பின்னர், செய்தியாளர்களிடம் அவர் கூறியது: ஜன.17-ம் தேதி வரை செயல்படவுள்ள இந்த தற்காலிக பேருந்து நிலையங்களில் 1,500 போலீஸார் பாதுகாப்புப் பணியில் ஈடுபட உள்ளனர். விபத்துகளைத் தடுக்க பேருந்து ஓட்டுநர்கள் முறையான ஓய்வு எடுக்க அறிவுறுத்தப்பட்டுள்ளது.மாநகரில் ஹாட்ஸ்பாட் பகுதிகளில் விதிமீறும் வாகன ஓட்டிகள் மீது நடவடிக்கை எடுக்கப்படும். தேசிய நெடுஞ்சாலைகளில் போக்குவரத்துக்கு இடையூறாக வாகனங்களை நிறுத்தக்கூடாது. ஒதுக்கீடு செய்யப்பட்ட தற்காலிக பேருந்து நிலையத்தில் மட்டுமே பேருந்துகளை நிறுத்தி பயணிகளை இறக்கி ஏற்ற வேண்டும். வியாபாரிகள் சாலையை ஆக்கிமிரத்து வியாபாரம்செய்யக்கூடாது. வில்லியம்ஸ் சாலையில் சோனா-மீனா திரையரங்கு எதிரில் உள்ள தற்காலிக பேருந்து நிலையத்தில் இருந்து தஞ்சாவூர் வழித்தட பேருந்துகளும், இலுப்பூர் சாலையில் உள்ள தற்காலிக பேருந்து நிலையத்தில் இருந்து புதுக்கோட்டை வழித்தட பேருந்துகளும், மன்னார்புரம் அணுகுசாலை தற்காலிக பேருந்து நிலையத்தில் இருந்து மதுரை வழித்தட பேருந்துகளும் இயக்கப்பட உள்ளன. இவ்வாறு அவர் கூறினார்.