ஆன்லைன் ரம்மி—ஒன்றிய அரசு பின்வாங்கி உள்ளதா……?

தமிழகத்தில் ஆன்லைன் ரம்மிக்கு எதிராக சட்டப்பேரவையில் மசோதா நிறைவேற்றப்பட்டு, ஆளுநர் ஒப்புதலுக்கு அனுப்பப்பட்டது. ஆனால், அவர் தாமதம் செய்ததால், அந்த மசோதா காலாவதியாகி விட்டது. இதனால், தமிழகத்தில் உள்ள அரசியல் கட்சிகள் ஆளுநருக்கு எதிராக போராட்டத்தை முன்னெடுத்து வருகிறது. ஆளுநரை நீக்கக்கோரியும், நாடாளுமன்றத்தில் தனிநபர் மசோதாவை திமுக எம்பி வில்சன் தாக்கல் செய்துள்ளார். தமிழகம் மட்டுமின்றி பல மாநிலங்களில் ஆன்லைன் விளையாட்டுகளுக்கு எதிராக அந்தந்த அரசுகள் போர்க்கொடி தூக்கி வருவதால், வரி விதிப்பது குறித்து விவாதிக்காமல் ஒன்றிய அரசு பின்வாங்கி உள்ளதாக கூறப்படுகிறது.