நடைபாதை முழுவதும் சென்னையில் ஆக்கிரமிப்பு….?ஆபத்தான நிலையில்பயணிகள்…?

சென்னையில், அமைந்தகரைக்கும் கோயம்பேட்டிற்கும் இடையே உள்ள பாதசாரிகள் நடைபாதையை ஆக்கிரமிப்பால் அவதிப்படுகிறார்கள். கடைகள் மற்றும் வாகனங்களால் நடைபாதை முழுவதும் நிரம்பி வழிகிறது. இதனால் மக்கள் சாலையில் இறங்கி நடக்க வேண்டிய கட்டாயத்தில் உள்ளனர்.சென்னை பெருநகர மாநகராட்சி, வியாபாரம் செய்யும் இடங்கள் மற்றும் வியாபாரம் செய்யாத இடங்களை பிரித்து அறிவித்துள்ளது. ஆனால், 700-க்கும் மேற்பட்ட தள்ளுவண்டி கடைகள் நடைபாதைகளை ஆக்கிரமித்துள்ளன. இதனால் பாதசாரிகள் நடக்க முடியாமல் அவதிப்படுகின்றனர். இந்த சாலையில் எட்டு பேருந்து நிறுத்தங்கள் உள்ளன. தினமும் நிறைய பேருந்துகள் வந்து செல்கின்றன.குறிப்பாக காலை மற்றும் மாலை நேரங்களில் கூட்டம் அதிகமாக இருப்பதால் பயணிகள் ஆபத்தான நிலையில் பயணிக்கின்றனர். வியாபாரிகளுக்காக ஒதுக்கப்பட்ட இடங்களில் கடைகள் வைக்காமல், நடைபாதைகளில் கடைகள் வைத்திருப்பதால் இந்த சிரமம் ஏற்பட்டுள்ளது. இதை சரி செய்ய மாநகராட்சி விரைவில் நடவடிக்கை எடுக்க உள்ளது.அண்ணா நகரைச் சேர்ந்த அரவிந்த் சீனிவாசன் என்பவர் தினமும் பேருந்தில் வேலைக்கு செல்கிறார். அவர் கூறுகையில், “பேருந்து நிறுத்தத்திற்கு நடந்து செல்வது சவாலாக உள்ளது. நடைபாதைகள் சரியில்லாமல் உள்ளன. கடைகள் நடைபாதையை ஆக்கிரமித்துள்ளன. அதனால் சாலையில் நடக்க வேண்டியுள்ளது. பேருந்துகள் இண்டிகேட்டர் போடாமல் வேகமாக செல்கின்றன. பாதசாரிகளுக்கு பாதுகாப்பான இடம் இல்லை” என்றார்.மாலை 6 மணிக்கு பிறகு போக்குவரத்து நெரிசல் அதிகமாகிறது. இரு சக்கர வாகன ஓட்டிகள் போக்குவரத்து நெரிசலை தவிர்க்க நடைபாதையில் செல்கின்றனர். போக்குவரத்து காவலர்கள் நிலைமையை கட்டுப்படுத்த முயன்றாலும், பலர் தப்பி செல்கின்றனர் என்று அமைந்தகரையைச் சேர்ந்த கடைக்காரர் ராஜேஷ் குமார் எம் தெரிவித்தார்.சென்னை பெருநகர மாநகராட்சி அளித்த தகவலின்படி, சென்னையில் 338 வியாபாரம் செய்யும் மற்றும் வியாபாரம் செய்யாத இடங்கள் உள்ளன. திரு.வி.க. நகர் மண்டலத்தில் அதிகபட்சமாக 45 வியாபாரம் செய்யாத இடங்கள் உள்ளன. ராயபுரம் மண்டலத்தில் அதிகபட்சமாக 26 வியாபார இடங்கள் உள்ளன. 2014-ஆம் ஆண்டு தெரு வியாபாரிகள் சட்டத்தின்படி இந்த நடவடிக்கை எடுக்கப்பட்டுள்ளது. இந்த சட்டம் நகரங்களில் வியாபாரத்திற்கான திட்டங்களை உருவாக்க சொல்கிறது. இந்த திட்டமானது செப்டம்பர் 2024 முதல் மார்ச் 2025 வரை பல கலந்தாய்வுகள் மற்றும் ஆய்வுகள் மூலம் உருவாக்கப்பட்டது.ஆர்.மதன் குமார் என்ற தெரு வியாபாரி கூறுகையில், “பெரம்பூர் மற்றும் வியாசர்பாடி அருகே ஒதுக்கப்பட்ட புதிய வியாபார இடங்கள், நாங்கள் தற்போது கடை வைத்திருக்கும் இடத்தில் இருந்து தூரமாக உள்ளது. அந்த இடம் கடைகள் வைக்கவும், வியாபாரம் செய்யவும் ஏற்றதாக இல்லை. நாங்கள் கை வண்டி கடைகள் மூலம் குறைந்த வருமானமே ஈட்டுகிறோம். சரியான வியாபார இடம் கிடைக்கும் வரை இந்த இடத்தை விட்டு செல்ல மாட்டோம்” என்றார்.அரும்பாக்கத்தைச் சேர்ந்த டி. கீதா கூறுகையில், “சில வியாபாரிகள்அதிகஎடையுள்ளவண்டிகளைஇழுக்கவிலங்குகளைபயன்படுத்துகின்றனர். இது சட்டப்படி தவறு. இதை சென்னை பெருநகர மாநகராட்சி தடுக்க வேண்டும். மீறுபவர்களுக்கு அபராதம் விதிக்க வேண்டும். நகரத்தில் விலங்குகளை வண்டிகளில் இழுப்பதை தடுக்க நடவடிக்கை எடுக்க வேண்டும்” என்றார்.இதுகுறித்து சென்னை பெருநகர கமிஷனர் ஜெ. குமரகுருபரன் கூறுகையில், “வியாபார மற்றும் வியாபாரம் செய்யாத இடங்களை ஒதுக்கிய பிறகும், பலர் இன்னும் மாறவில்லை. வியாபாரம் செய்யாத இடங்களில் இருந்து வியாபாரம் செய்யும் இடங்களுக்கு வியாபாரிகளை மாற்றும் பணி விரைவில் தொடங்கப்படும்” என்றார்.